Yn de rige De Traveliers is it tredde diel ferskynd. Yn In flitsend hûntsje fan Anny de Jong reizget de famylje Traveliers nei Skotlân om nei de famylje ta. Sheepdogs en sheepdogtrials meitsje der in aventoerlike en ynspannende reis fan. En wat hat dy âlde freon fan heit Marten der mei út te stean?
Flaptekst:
In flitsend hûntsje
It duorret in ivichheid foar 't Hugh werom is. Hy sjocht bleek en ropt fan fierren: 'Sweep is fuort.'
Syn mem besiket him del te bêdzjen, mar se kin it net helpe dat har stim ûngerêst klinkt.
'Ho, even rêstich. Wiene Katy-en-dy der noch?' Hugh skodhollet.
Dan is er dus net mei Swan oan it gekjeien. Wy geane it fjild oer om te sykjen. Miskien leit er wol ergens oars.'
Hugh sjocht syn mem bang oan. 'Dat leaut mem sels net. Sweep giet noait, noait by de auto wei!'
Oare dielen fan de searje wurde skreaun troch Auck Peanstra en Jan Schotanus.
It goud fan de Aboriginals - Auck Peanstra,
Yslik aktyf- Anny de Jong,
binne al ferskynd by de afûk en as harkboek by Audiorfysk.
It fjirde diel Fûgelfrij yn de Canyon is op kommendewei.
Sjoch de resinsje fan In flitsend hûntsje by Yn de media.
Op 9 juny is de searje De Traveliers bekroand mei de Bongelboekepriis 2010 fan de NHL te Ljouwert.
ISBN 978-94-6038-045-7
Ynformaasje oer Anny de Jong by Tresoar.