Laatste nieuws - Lêste nijs

Sjoch by Nijsbrieven

Boekenweek by Luisterrijk

De krater Auteur: Gerwin van der Werf Spreker: Chava voor in 't Holt

Het is Boekenweek! Luisterrijk is trots dat we dit jaar het Boekenweekgeschenk De krater van Gerwin van der Werf als luisterboek mochten produceren. Het wordt tijdens de actieperiode (t/m 23 maart) automatisch aan je winkelwagen toegevoegd bij je eerste bestelling van minimaal € 15.

Ek foar Fryske harkboeken!

Grutte feroaring

Grutte feroaring foar Audiofrysk en DAT tekstbureau Op 6 jannewaris 2025 is myn leave frou Marja rêstich ferstoarn. It betsjut dat ik allinne troch moat mei de saken en dus sil der wolris wat oars as oars gean. Mar foarearst is it de bedoeling wol wer nije harkboeken út te bringen en de foarried by de tiid te hâlden.

Trije nije harkboeken by Audiofrysk

Fan Meindert Bylsma is wer in fermaaklike detektive oer de beide Blomkes, resjersjeurs Lieuwe Bekkema en Lukas Roosjen ferskynd. It wurdt foarlêzen troch Jan Schotanus. En dan binne der wer twa berneboeken útbrocht: Fan I.E. Bloem it harkboek de Freon, oer in illegaal feest yn coronatiid, dêr′t lykwols mear oan de hân is. Sjoerd van Beem lêst it foar. En in nije stim by Audiofrysk: Froukje Sijtsma hat De rôf fan de Fryske mummy earst oan har dochter foarlêzen en no itselde dien foar de mikrofoan fan Audiofrysk.

Harkboek foar heal jild

Yn de moanne oktober binne acht fan ús lústerboeken mei 50% koarting te keap as download fia de diverse kanalen.

https://www.luisterrijk.nl/taal/fry

Gysbert Japicx-winner by Audiofrysk

Geartsje de Vries hat de mânske roman Spegel en sonde fan Jetske Bilker opnommen.

Jetske Bilker - Spegel en sonde

As toskedoktersassistinte Doutsen (echtgenoate, mem en minneres) in nije baas krijt, giet der ynienen in soad mis. Om’t se it iene nei it oare ferjit, minsken net mear werkent en regelmjittich it paad bjuster is, rekket se yn panyk. Se driget de kontrôle oer har libben te ferliezen en lit it yn har omgean har eardere berop fan keunstner wer op te krijen.
As Anniek, har suster dy’t se tsientallen jierren net troffen hat, kontakt opnimt, komt alles yn in streamfersnelling en komme dingen oan it ljocht dy’t Doutsen har hiele libben ferswijd hat. Wat is der eins bard yn it ferline?

Op meinimmende wize fertelt Jetske Bilker dit oangripende, en bytiden humoristyske ferhaal oer geheugen, de eangst foar alzheimer en famyljebannen.

Ek nij is de speurdersroman:

Meindert Bylsma - Moard yn ’e hite hei

Stikje by bytsje draait er it nei him ta. Swier giet it, hiel swier. Mar snoer en angel hâlde it. Hoeden dirigearret er de boel nei de ein fan ’e steger en sa nei de wâl. Der komt in stikje fan in sek omheech. Dêr is de heak yn fêst slein. Hy kin de sek fêstpakke. Troch de reidwâl hinne hyst er him heal op ’e wâl. Der sit noch fan alles ûnder. En dan sjocht er ynienen wat it is. Syn hert slacht sawat op ’e rin.

Resersjeurs Liuwe Bekkema en Lukas Roosjen, op it buro ‘de Blomkes’ neamd, krije in melding. Wiggele Kingma is de ôfrûne nacht net thús kommen. No bart dat wol faker, mar diskear fine se in plasse bestjurre bloed yn syn skuorre. En it docht bliken dat der hiel wat minsken binne by wa’t dizze boer op in tige minne namme leit. Yn har syktocht nei de wierheid komme der mear liken út de kast. De Blomkes moatte alles op alles sette om de wierheid te efterheljen. En dan is it by eintsjebeslút dochs wer hiel oars as dat it yn it begjin like.