Laatste nieuws - Lêste nijs
Sjoch by Nijsbrieven
Sweltsje rige Boek fan de moanne
Yn septimber en oktober binne de seis dieltsjes fan de Sweltsjerige Boek fan de Moanne.
Se binne no te keap foar 7,50 it stik. Freegje dernei yn de boekhannel of bestel se by Audiofrysk.
Wike fan it harkboek
De week van het luisterboek is begûn. Oant en mei 19 maaie binne der alderhanne aktiviteiten by Luisterrijk en yn de boekhannels om it harkboek yn de spotlight te setten.
Der wurde hieltyd mear audioboeken lêzen (harke) en ek podcasts binne tige populêr.
Sjoch foar meer ynformaasje de site fan Luisterrijk.
Boekenweek - Boekewike
Yn de boekewike fan 10 - 18 maart krije jo by oankeap fan in harkboek op cd by de boekhannels it boekewikegeskink kado.
Jo kinne kieze foar de Fryske of de Nederlânske ferzje fan Griet op de Beeck - Sa't it lân der hinne leit / Gezien de feiten.
By online-oankeapen fia Luisterrijk krije jo fergees it luisterdoc Wat leest u?
Dêryn ûndersiket Peter de Ruiter op meinimmende wize wat minsken sa troch inoar allegearre lêze.
Hylke Speerstra harkboeken, in ideaal kado
Trije titels by Audiofrysk:
Alle trije prachtich ynlêzen troch de skriuwer sels.
Grut artikel oer de Sweltsje-rige yn de Leeuwarder Courant.
Sweltsjes yn Op&Út
Yn de boekerubryk fan it sneonsprogramma fan Omrop Fryslân prate Ernst Bruinsma en Douwe Heringa oer de Sweltsjes.
De toverangel fan Ate wurdt as foarbyld neamd.
Harkje nei it petear.
De skriuwers fan de Sweltsjerige byinoar by Audiofrysk
Fan lofts nei rjochts: Jurjen van der Meer, Anny de Jong, Lida Dykstra, Mindert Wijnstra, Jelle Bangma en Jan Schotanus. Hanneke de Jong ûnbrekt.
Friesch Dagblad resinsje
Sigrid Kingma skreau in wiidweidich artikel oer de Sweltsjerige. Fan alle boeken jout se ek in resinsje. Lês it hiele artikel.
Nijsgjirrich is ek har blog fan in pear wike lyn.
Sweltsjeboeken, de ferkeap is fan start.
De bybs hawwe daliks ynkocht en goed ek! It betsjut dat alle Fryske bibleteken ien of mear sets fan de Sweltsjerige op de planken krije. Se binne op dit stuit by de biner om se ta te rieden op it útlienen en dan kinne se mar lêzen wurde.
Sweltsjes
Audiofrysk jout foar it earst papieren boeken út.
6 oantreklike lêsboekjes foar bern fan groep 4 ôf.
Hurd kaft, folslein yn kleur yllustrearre, 32 siden.
Priis 9,95 it stik.
Hjoed is it Wrâld Radio Dei
Hjir yn Fryslân is in soad omtinken foar radio, omdat de earste reguliere radioútstjoering fersoarge waard troch in Fries: 
Hanso Henricus Schotanus à Steringa Idzerda , (Weidum, 26 septimber 1885 - Den Haach, 3 novimber 1944), wie in Haachske yngenieur en radio-pionier fan Frysk komôf.
Op 6 novimber 1919 fersoarge hy de earste radio-útstjoering yn Nederlân foar in algemien publyk. Hjirmei wie dizze teffens de earste omropútstjoering yn de wrâld fanwege de foaroankundiging en it geregeld útstjoeren. Hy stjoerde in saneamde radio soirée musicale út fanút syn wenning yn de Beukstraat yn Den Haach. De studio- en stjoerapparatuer wie makke troch syn eigen bedriuwke, de NRI (Nederlandse Radio Industry). De útstjoering begûn mei de mars Turf in je ransel.
En noch altyd hat de radio in ûnmisbere rol yn de kommunikaasje yn alderhanne gebiet.
Foar audioboeken is it fansels it optimale medium, al kinne dy as podcasts no ek selsstanniger ferspraat wurde.
Nationale Voorleesdagen by Audiofrysk
Foarlêze kin it moaiste live, dat wit in bern.
Mar net altyd kin dat en dan is it foarlêzen troch in skriuwer dy’t fia de lûdsprekker ta je komt in hiele goede twadde. Dêrom jout Audiofrysk yn de Nationale Voorleesdagen/ Nasjonale Foarlêsdagen fjouwer berneboeken kado. Helje se del by Luisterrijk en jo betelje oant 5 febrewaris 0 euro. It giet om de folgjende titels:
Anny de Jong - It is foar de hearen
Ep van Hijum - Muoike Klaptút en oare koarte ferhalen
Jelle Bangma - Keatse foar de krânse
Lida Dykstra - De skat fan jonker Jan
Njonken dizze titels hawwe wy noch in hiele rist oare titels foar bern beskikber. Wat te tinken fan 
Kathy Reichs, Firalen bygelyks. Dat boek foar wat âldere bern (13+) wurdt prachtich foarlêzen troch Geartsje de Vries. As dellaad kostet it mar € 10,-, wolle jo it op mp3-cd hawwe, dan betelje jo € 12,-.
Masterwurken by Audiofrysk
Fan in mannichte Gysbert Japicx priiswinners hat Audiofrysk ien of mear harkboeken útbrocht:
Trinus Riemersma ( 1967 en 1995) De fûgel, De Reade Bwarre
Rink van der Velde (1975) De fûke, Feroaring fan lucht
Tiny Mulder (1986) Tin iis
Abe de Vries (2005) Dy't in hûs fynt op 'e wyn
Anne Feddema (2009) Skúnpútsersgúd
Durk van der Ploeg (2011) Under de seespegel
Koos Tiemersma (2015)
De mjitte, Einum
Buchmessetitels by Audiofrysk
Nederlân en Flaanderen binne dit jier earegast op de Frankfurter Buchmesse, dy’t fan 19 oant 23 oktober yn de Dútske hannelsstêd holden wurdt. Fryslân en it Frysk as twadde rykstaal krije ekstra omtinken mei eigen stand en 10 boeken dy’t yn it sintsje setten wurde.
Fjouwer fan dy boeken binne ek as harkboek te keap by Audiofrysk:
Einum - Froon Akker (Koos Tiemersma), Tin Iis - Tiny Mulder, De Treastfûgel - Hylke Speerstra en Salsafamke - Hanneke de Jong.
Lês ek it artikel út de Ljouwerter krante fan 18 okt.
De Fryske stand yn Frankfurt.
Week van de geschiedenis - Wike fan de skiednis
Miskien it moaiste skiednisboek by Audiofrysk is wol Tin Iis. Dizze roman fan Tiny Mulder oer in famke/jonge frou yn de oarloch jout in bysûndere sfeartekening fan it libben yn Fryslân yn de oarlochsjierren en de ynfloed fan de oarloch op de minsken. It harkboek is prachtich ynlêzen troch Geartsje de Vries.
Wike fan it harkboek - Week van het luisterboek
Keapje in Frysk harkboek by Luisterrijk en krij it Luisterboekgeschenk:Willy haalt alles uit de kast kado!
Einum is klear
Bestel no it harkboek fan de Gysbertwinnende roman Einum
De opnames foar einum, ynlêzen troch Koos Tiemersma sels en troch syn frou Tineke Finnema, binne omtrint klear.
Lês jo alfêst yn op www.froonakker.nl.
2016
1 jan
Audiofrysk winsket jo in sûn en sinfol 2016
Op kommende wei:
Einum, fan Koos Tiemersma, winner fan de Gysbert Japicx priis 2015