De Traveliers is in nije searje spannende en nijsgjirrige boeken foar bern fan 10 jier ôf. De famylje Travelier reizget de wrâld oer. Mei troch it wurk fan heit foar alderhanne projekten yn it bûtenlân, komme Hidde en Fardau op plakken dêr't it aventoer om 'e hoeke leit.
Flaptekst:
It goud fan de Aboriginals
Nei't se in skoftke rûn hawwe, seit Hidde: 'Wêr binne dy tekeningen no? Wy binne dochs echt fan dizze kant kommen.'
'Ja,' seit Fardau, 'wy hiene der al lang wêze moatten. Of wie it miskien in bytsje de oare kant út?' De panyk slacht ta.
'Wy sitte midden yn de woastyn. Wy ha gjin iten en drinken by ús. En dy sinne!'
Út it neat ferskynt ynienen in ploechje minsken. Brune minsken. Aboriginals, sjogge se daalk oan de gesichten. De mannen drage spearen as wapens...
Oare dielen fan de searje wurde skreaun troch Anny de Jong en Jan Schotanus.
Yslik Aktyf - Anny de Jong,
In flitsend hûntsje - Anny de Jong,
Fûgelfrij yn de canyon - Jan Schotanus en
Kantsjeboard op Kurasao - Auck Peanstra,
binne allegear leverber. As papieren boek en ek as harkboek by Audiofrysk.
Op 9 juny 2010 is de searje De Traveliers bekroand mei de Bongelboekepriis 2010 fan de NHL te Ljouwert.
ISBN 978-94-6038-027-3
Ynformaasje oer Auck Peanstra by Tresoar.