De tredde nijsbrief fan Audiofrysk,
Mei freonlike groetnis, Jan en Marja Schotanus
Nijsbrief
29 augustus 2011
Wy fan DAT tekstbureau hawwe û.o. de oersettingen fan alle lieten makke. Bram Vermeulen wie dêrby suver in (her)ûntdekking. Yn in fier ferline ha Marja en ik ien fan de earste programma's fan Vermeulen en De Jonge's Neerlands Hoop bywenne. Yn dy tiid wie dat in relevaasje. Hy wie by ús in bytsje út it sicht ferdwûn, mar der blykt noch altyd in grutte belangstelling foar Bram Vermeulen te wêzen.
De troch regisseur Tjerk Kooistra en ko-regisseur Ekko de Bakker útkeazen lieten lykje bytiden skreaun te wêzen foar it ferhaal, dat Bohemia fertelle wol. It is muzykteater op basis fan in opera, mei alve filosofyske lieten fan Bram Vermeulen en fiif hurdere rocknûmers fan AC/DC.
Foar mear ynformaasje sjoch Iepenloftspul Jorwert.
Treast nei in minne simmer: It liket derop dat Irene, dy't de Amerikaanske eastkust teheistere hat, moai waar nei West-Europa stjoert. En yn Jorwert is it gauris droech nei jûns acht oere...
Op kommende wei
Twa harkboeken foar bern steane yn de stegers:
Hanneke de Jong - Salsafamke, 4 cd's € 13,50
Dizze jeugdroman giet oer Freya, in famke fan 14 dat op fakânsje meisleept wurdt troch de omstannichheden. It dûnsjen fan de salsa jout it libben in hegere fersnelling. Thús blike de gefolgen en dan is beppe in grutte stipe, al moat Freya it (mei help fan oaren) wol sels oplosse. It hiele libben is net ien dûnsfeest, de salsa sil se net wer loslitte.
Salsafamke is ynlêzen troch Antsje van der Zee.
Wy hoopje it noch foar de Moanne fan it Fryske boek út te bringen.
Yn dit fiifde diel fan de rige giet de famylje Travelier op fakânsje nei Kurasao. Heit Marten docht ûndersyk nei geologyske prosessen, komt dêrtroch ek op plakken, dy't bûten de bewende paden lizze. Hidde en Fardau ûntdekke dêr in ferfallen hut mei in âld kuolkast. En dan belânje se yn in aventoer, dat spannend genôch is. Kantsje board is it, as se yn de hite sinne skoften op see omdobberje...
It papieren boek is noch net ferskynd, dat wy moatte even wachtsje foardat wy it harkboek op de merk bringe kinne.
In wiete july
De moanne july wie foar Luisterrijk, de downloadwinkel dêr't Audiofrysk al jierren mei gearwurket, de bêste moanne fan syn bestean. Der wiene noch nea safolle harkboeken kocht en delladen. Ek by Audiofrysk wie july goed. Net allinne waard de fergese oanbieding fan Mentha Minnema en it klokkemystearje mannich kear ophelle, ek ferkochten wy yn dy moanne ferskate harkboeken fia dit ferkeapkanaal. Der is gjin sprake fan tophits, want fan wol njoggen ferskillende harkboeken waarden ien of mear eksimplaren ferkocht.
Sjen hoe't it yn de Moanne fan it Fryske boek giet.
Moanne fan it Fryske Boek
16 sept - 16 okt
Mentha Minnema en it klokkemystearje is fergees beskikber, om de bern op 'e smaak te bringen.
Prolongearre!
Kontakt Audiofrysk:
Tel. 058 - 2501465
DAT tekstbureau
Tsjerkebuorren 4, 9021CH Easterwierrum
foar de nijsbrief