Mei freonlike groetnis, Jan en Marja Schotanus
Nijsbrief
27 oktober 2011
Op kommende wei
Yn novimber sil Klaas Bruinsma ien fan syn ferneamde wurken ynlêze foar Audiofrysk. It giet om Pseudo Homearus - De striid tusken froasken en mûzen, in luchtige parody op de Ilias. Bruinsma hat it út it Gryksk oersetten en by Elikser útbrocht (2010).
Boekemerk 15 okt
Prima dei yn Drachten
De sinne skynde oer de Fryske literatuer, it is al wer jierren lyn dat it sok moai waar wie op de boekemerk op it Frânske pleintsje.
Der wie in soad folk op 'e lapen en de measte útjouwers ferkochten mear as ferline jier.
Audiofrysk hat krekt deselde omset draaid, mar der binne wol in protte flyers útdield en kontakten lein. Foar mear foto's klik hjir.
Tyskerblues - GINHOUSE BLUESBAND
Op snein 6 novimber wurdt yn Easterwierrum de earste Tyskerblues organisearre. Audiofrysk is meibelutsen yn de organisaasje en sponsort ek in bytsje.
Om 16.00 oere geane de doarren fan doarpshûs De Tysker iepen, de Ginhouse Bluesband begjint om healwei fiven en spilet oant likernôch healwei njoggenen. Dizze trochwintere groep, mei de Easterwierrumer drummer Johannes Dijkstra en gitarist Rik Meijer, spilet in oantreklike miks fan bluesballads en up-tempo bluesrock.
Op it plaatsje posearret de band, - lang lyn, om 1995 hinne -, by de achterdoar fan de roomske tsjerke yn Easterwierrum.
Tagong fergees!
Mentha Minnema en it klokkemystearje is fergees beskikber, om de bern op 'e smaak te bringen.
Prolongearre!
Kontakt Audiofrysk:
Tel. 058 - 2501465
DAT tekstbureau
Tsjerkebuorren 4, 9021CH Easterwierrum
foar de nijsbrief