Echt moai - Wieke de Haan

Yn 2007/8 makke Wieke de Haan 17 ynterviews mei froulju oer moaiens en it inerlik. It binne nijsgjirrige artikels wurden oer in grut ferskaat oan ûnderwerpen.
Krekt troch de aard fan dit boek is it hiel geskikt om as harkboek ferkocht te wurden. It docht ús dan ek deugd dat it no as nr AF-F26 ferskynd is yn ús fûns.

It giet om dizze froulju:

Literêre 4-stêdetocht

It harkboek mei de fjouwer lêzings is klear! Wolle jo op de hichte komme fan de lêste stân fan saken fan de Fryske literatuer, dan kinne jo jo deljaan mei ien fan dizze sprekkers, en jo ha wer foar jûnen stof te praten.
De lêzing fan Sigrid Kingma oer berneliteratuer late sels ta fragen yn Provinsjale Steaten. It is moai dat de boekewrâld de lju dochs net kâld lit.
De lêzing fan Nyk de Vries is lardearre mei in pear muzikale foardrachten, dúdlik in mearwearde foar dit audioboek.
Foar in beskriuwing fan de fjouwer lêzings sjoch de site fan Audiofrysk.

De lêzings binne op papier beskikber as nr 5 fan it tydskrift Ensafh.

Fansels binne se aanst online te keap by Luisterrijk. Nei alle gedachten sille se dêr ek ôfsûnderlik te keapjen wêze foar in sêft pryske: 5 euro foar in referaat fan mear as in oere.