Mei freonlike groetnis, Jan en Marja Schotanus
nijsbrief
26 juny 2012
Aanst op fakânsje?
In ideaal momint om in harkboek fan Audiofrysk te probearjen.
 |
Berneboekesjuery priis foar Auck Peanstra har Kantsjeboard op Kurasao |
| Yn in lytse, mar sfearfolle byienkomst op de trijetalige skoalle De Pôlle yn Marsum waard de priis fan de Berneboekesjuery bekend makke. Fan de fiif Traveliersboeken hie Kantsjeboard op Kurasao de measte punten krigen fan de lêzers. Lokwinske Auck! 25 skoallen hiene har ynskreaun om mei te dwaan; in moai resultaat foar de boppebou! As aanst de trijetalige skoallen goed op gleed binne, sille der grif noch mear learlingen lêze foar de Berneboekesjuery. Dy fan De Pôlle wiene yn elts gefal hiel benijd nei it folgjende diel, dat yn oktober útkomt. Anny de Jong fertelde in lyts bytsje oer de plot. It hyt 'Spoaren!' en spilet yn it noarden fan Finlân, op de grins mei Ruslân.  |
|
Kadootsje fan Audiofrysk |
Klaas Bruinsma lêst foar jo it gedicht Carpe Diem, fan de Spaanske dichter Garcilaso de la Vega (1501-1536) |
Ferkâldheid is de fijân fan de ynlêzer
Tryntsje van der Veer hat it ynlêzen fan Alice yn Wûnderlân, it bysûndere berneboek fan Lewis Carroll, in skoft rêste litte moatten omdat de stim troch it firus oanfallen wie. Aldergeloks hat hja no de tried wer opkrigen. Wy hoopje it harkboek fan de oersetting fan Tiny Mulder yn de hjerst presintearje te kinnen.
Aanst op fakânsje? Harkboek mei!
Op lange reizen is lêze achter yn de auto faak net sa handich. Mar foarlêzen wurde is hiel wat oars. Set in detektive fan Joop Boomsma of Sytse de Vries op de iPod, iPad, smartphone of mp3-spiler; koptelefoan op en de reis fljocht foarby.
Ek yn de fleanmasine is it ideaal. Karút genôch: Sjoerd Bottema, Wieke de Haan, of Anne Popkema mei de Hobbit... Laad se del by Luisterrijk.nl.
Nije website De Traveliers
Der is in hiele nije website yn it libben roppen foar de Traveliers. Der wurdt noch hurd oan wurke.
Hald him yn de gaten.
Audiofrysk winsket jo in simmerske simmer ta!
Tel. 058 - 2501465
foar de nijsbrief