Mei freonlike groetnis, Jan en Marja Schotanus
nijsbrief
15 septimber 2012
De Moanne fan it Fryske Boek
is los
Kado-aksje Audiofrysk ek!
 |
Yn de bibleteken fan Fryslân Hjir leit de kado-cd mei de blomlêzing út de Fryske literatuer yn de bibleteek fan Ljouwert moai prominint tusken de Fryske boeken. Op de earste ferdjipping fine jo de stand. Nim ek ien mei, as jo him noch net hawwe. |
| De kado-cd is aanst ek online foar 0 euro te besetten by Luisterrijk. | |
Obe Postmapriis foar Anne Popkema Op de iepeningsjûn fan de Moanne fan it Fryske boek makke de sjuery bekend, dat de Obe Postmapriis foar oersettings takend is oan Anne Tjerk Popkema foar syn oersetting fan De Hobbit. Jo kinne De Hobbit, prachtich ynlêzen troch de oersetter, as audioboek oantuge by Audiofrysk. De papieren ferzje is ferskynd by útjouwerij Elikser. De Hobbit wie de earste gearwurking tusken Elikser en Audiofrysk, en dat smakke fuort nei mear, want de gearwurking is bysûnder plezierich. In twadde foarbyld is Pseudo-Homearus, de striid tusken mûzen en froasken, ek oerset en ynsprutsen troch in Obe Postmapriiswinner: Klaas Bruinsma. |
Anne Tjerk Popkema hat it noch mar krekt heard. Hjir stiet er op de foto mei syn útjouwers. Foto is makke troch Tryntsje van der Veer om 11 oere jûns op it boekefeest yn Tresoar. |
Alle nijsbrieven in oar Spaansk gedicht: |
Klaas Bruinsma lêst foar jo it gedicht Nachtbea, fan de Spaanske dichter Francisco de la Torra (1555-?) |
Alice is klear!
Tryntsje van der Veer posearret mei it troch har ynlêzen harkboek Alice yn Wûnderlân.
Noch in pear dagen en it is ek online te keap by Luisterrijk.
Flaptekst en mear:
Alice is al oer de hûndert jier, mar se is noch altyd fris, fleurich en libben en noch altyd oarsaak fan bewûndering en fermeits foar bern.
Sa skreau oersetster Tiny Mulder yn har ynlieding yn 1964.
En der is wat dat oanbelanget net folle feroare. Noch altyd sprekke de aventoeren fan de lytse Alice ta de ferbylding.
Dit harkboek is in moaie gelegenheid om it ferhaal op 'en nij te genietsjen.
'Wy binne hjir allegearre gek,' sei de Siferske Kat tsjin Alice. 'Ik bin gek. Jo binne gek.' - 'Hoe witte jo, dat ik gek bin?' frege Alice. - 'Dat moat wol sa wêze,' andere de Kat, 'oars soene jo hjir net kommen wêze.'
'Hjir' is it Wûnderlân, dêr't it famke Alice yn bedarret en de bjusterbaarlikste dingen meimakket. Se kin harsels lytser en grutter meitsje, wat soms o sa gefaarlik is. Se praat mei de Wite Knyn, de Siferske Kat, de Sabeare Skyldpod, de Boaze Hertekeninginne en noch mear wûnderlike skepsels.
Dit klassike boek fol humor foar it jonge - en âldere! - folk is yn tal fan talen fertaald. Fansels ek yn it Frysk.
Notear no al fêst:
Boekemerk yn Drachten op sneon 13 oktober, fan 11.00-17.00 oere.
De Goede, de Minne en de Lillike,
it Iepenloftspul fan Jorwert
It begjint om 20.00 oere.
Tel. 058 - 2501465
foar de nijsbrief