Mei freonlike groetnis, Jan en Marja Schotanus
nijsbrief
29 novimber 2012
HOBBITFILM yn premjêre
De Hobbit mear as film allinne
Wolle jo ek nei Nij-Seelân om de opnamelokaasje fan de Hobbitfilm te besjen? Gjin raar idee, allinne lang fleanen! Audiofrysk hat foar jo in goeie tip om de reis aardich koarter lykje te litten:
Set De Hobbit, foarlêzen yn it Frysk troch Anne Tjerk Popkema op de koptelefoan en foardat jo it witte is de reis om en is de tarieding op de film optimaal.
No even gjin tiid om nei Nij-Seelân? Ek op jo eigen bank of hometrainer is it audioboek fan De Hobbit in erfaring dy't de film noch nijsgjirriger makket!
Bestel him op cd by Audiofrysk, of as dellaad by Luisterrijk.
Beste bibleteek-ferkiezing 2012
Al wer even lyn, mar dochs it melden wurdich: Bibleteek Makkum hellet de tredde priis as bêste byb fan Nederlân. Lokwinske. In grut ferskaat oan bibleteken oer de hiele provinsje is in ryk besit. Hieltyd wer blike kulturele foarsjennings de motor fan de ekonomy. Dat Makkum dizze priis yn de wacht sleept, is in opstekker.
Sjoch ek it artikel yn it Bolswards Nieuwsbblad. of op de website fan de byb.
Kado-cd omtrint útferkocht
In hiele protte minsken hawwe de cd mei seis fragminten út ús harkboeken mei nei hûs ta nommen. Der binne 5000 fan makke, hoe faak soe it ferhaal fan Sjoerd Bottema bygelyks beharke wêze? Troch de aksje waarden ek online yn de moanne oktober mear Fryske harkboeken delladen. Op nei de folgjende aksje.
De blomlêzing is no foar 5 euro del te laden by Luisterrijk.
See fan Leafde Yn 't wrakke skip en sûnder roer of mêst Hjir skriem ik, blyn as ik bin foar eigen bêst, Untset troch myn ellind' yn dizze see |
Alle nijsbrieven in oar Spaansk gedicht: fan Luis Martín de la Plaza (1577-1625), oersetting en ynlêzen troch Klaas Bruinsma |
Tel. 058 - 2501465
foar de nijsbrief