Untitled Document

Maitiid, ynienen is it lân keal, groetnis, Jan en Marja Schotanus

nijsbrief

26 maaie 2013

De treastfûgel is klear!

Harkboek De treastfûgel fan Hylke Speerstra is no klear

Mear as 6 oeren lang wurde jo meinommen troch de skriuwer yn dit dramatyske ferhaal fan twa famyljes, dat de hiele foarige ieu beslacht. Foar mear ynformaasje sjoch de side fan it harkboek.

Trije nije harkboeken online by Luisterrijk:

Tryntsje van der Veer op besite by DAT Audiofrysk Literêr Sirkwy op Tsjerkebuorren yu Easterwierrum

Hjir noch in byld fan de besite fan Tryntsje van der Veer oan DAT tekstbureau. It wie waarm, dy earste dei fan de kuieralvestêdetocht. Dat soe fierderop yn de wike al oars wurde.

Sjoch hjir foar it ferslach fan it Literêr Sirkwy, dêr't Tryntsje foar op stap wie.

Mei in haikû naam hja ôfskie:

reizgje yn tinzen

fiere tochten al ôflein

stiloan no lichter

Boekebon

is no ek yn te leverjen by Luisterrijk

Jo kinne jo boekebon no ek brûke om in audioboek del te laden by Luisterrijk. Keapje it boek en folje gewoan de koade fan it boekepaske yn. Sa wurdt it bedrach ferrekkene.

Boekekisten by de skoallen lâns

Sûnt begjin dit jier hat BFF, Boeken Fan Fryslân, 16 boekekisten mei berneboeken. De skoallen meie de kisten in pear wike hâlde en kinne de boeken oanskaffe. De earste resultaten binne hielendal net min. In protte skoallen keapje foar in moai bedrach berneboeken. Dit jildt sawol foar it basisûnderwiis as de middelbere skoallen.
Audiofrysk spilet hjir op yn troch yn de kisten in ynfo-blêd oer hoe't harkboeken yn de klasse tapast wurde kin, oan te bieden. Ek geane ús flyers no mei nei de skoallen.

It folsleine, Ingelsktalige artikel dêr't it ynfo-blêd op basearre is, stiet online. Ek it blêd sels is del te laden op de Edukaasje side.

49. Juana Fernándes Morales (1895-1979)

It wite hynder

Ik seach it strûzen, en sa snjiddich wie 't
as soe in wjokkepear it túch optille,
as wie 't gjin dier, mar waard it fan in stille
en suv're ingel mei omhegen fierd.

In fûnk, en skûm en snie; in treurich liet
teach my foarby, wylst dûnk're jûn fersille.
My bûn syn roas fêst oan de riem dy't trille
en widze yn 'e loft mei stjerren sierd.

Ik seach gjin ruter, seal of swipe flymjen;
inkeld it draven op de westerkimen;
gjin ljocht en gjin ûnthjit of hope mear.

Blank en apokalyptysk gyng 't syn wegen,
en aloan lichter foarme it omhegen
mei izich fjoer in flikkerjende spear.

Alle nijsbrieven in oar Spaansk gedicht:

It wite hynder

fan Juana Fernándes Morales (1895-1979)

oerset en ynlêzen troch Klaas Bruinsma

Noch gjin abonnee?

Meld jo no oan
en ûntfang de nijsbrief alle moannen

Kontakt Audiofrysk:
Tel. 058 - 2501465

boek@audiofrysk.nl

Audiofrysk is in inisjatyf fan
DAT tekstbureau
Tsjerkebuorren 4, 9021CH Easterwierrum

Ofmelde
foar de nijsbrief