Simmer yn Fryslân. Groetnis, Jan en Marja Schotanus

nijsbrief

11 augustus 2013

De Reade Bwarre is klear!
Alle 500 bledsiden binne ynlêzen troch Durk Hibma, dat de grutte roman fan Trinus Riemersma is no as harkboek te keap.
Yn it boek binne de trije ferhaallinen op fernimstige wize yninoar frissele. De gerniersfamylje Bosma, bynamme de Modderklauwers, de Bwarristen dy't de lear fan de reade boarre Boldgrim folgje, en it jonkje Tilly, it alter ego fan de skriuwer, blike op ûnferwachte punten byinoar te kommen. Ien foarbyldsje: As de skriuwer foar in petear oer de subsydzje foar syn útjefte by de provinsje komt, blykt de amtner út de famylje fan de Modderklauwers te kommen:

"... en doe gie de doar op en stie ik foar drs. E. Bosma, provinsjaal subsydzjeôfwizer. En ferdomd, ik seach it fuortendaliks, deselde harsens, in rasechte Modderklauwer ..."

(Lykwols, it boek hat destiids dochs provinsjale subsydzje krigen..., lykas de auditive ferzje no.)

NIJ: De Reade Bwarre as mp3-cd

It folsleine harkboek beslacht omtrint 26 oeren.
No't de measte cd-spilers goed oerwei kinnen mei mp3-cd's, is dizze roman in goede gelegenheid om dat medium te brûken. It hiele audiobestân past dan op 2 cd's. Troch it yn dit formaat út te bringen besparje wy in protte materiaal en hege ferstjoerkosten, en foar de harker is it handiger as al dy losse cd's.
Party minsken brûke tsjintwurdich ommers ek de dvd-spiler om har muzyk of oare audio te hearren, en dvd-spilers kinne prima oerwei mei de mp3-cd's. Foardiel is ek dat yn it skermke de titel fan it haadstik komt te stean.
De Reade Bwarre op mp3-cd hat as bestelnûmer AF-FC28 en kostet 20 euro.

Trije dielen - 20 cd's

As jo dochs leaver de 'gewoane' audio-cd's hawwe, is dat fansels mooglik. Jo krije dan trije dielen mei yn totaal 20 cd's, bestelnûmer AF-F28, en de priis is 39 euro. By it ferstjoeren is de porto ek wat heger, omdat it as pakje op de bus moat.

En by Luisterrijk

Útsoarte is De Reade Bwarre fansels del te laden by Luisterrijk. De priis is dan € 19,50.
Ha jo in iPhone of iPad, lês dan earst de ynstruksje hoe't it harkboek mei help fan de app 'Download Manager Lite - Universal Downloader & Player' maklik beset wurde kin.

Goedkeaper op mp3

It leit yn de bedoeling om mear harkboeken as mp3-cd út te bringen, lykas De mjitte fan Koos Tiemersma, It ferset fan Harmen Wind en De Treastfûgel fan Hylke Speerstra.

boek@audiofrysk.nl