8. Juan de Arguijo (1565-1623)

Stoarm en stilte

'k Seach fan de reade sinne 't helder ljocht
yn ûnstjoer toaljen; tel ferdwûn oerstjoer
har blier gesicht; rûnom ferdonkere njoer
de loft ta 't heislik swart fan neare nacht.

De stoarmske súdwyn raasd' yn grime macht;
syn woede boaze oan, de stoarm waard poer,
en heech op Atlas' skouders skokt' oerstjoer
d' Olimpus dy't fan skrik de tonger slacht.

Mar letter seach ik skuord de swarte wiele,
teropp' yn wetter, en de dei sa klear,
kaam wer ta 't earste ljocht en blierke bril.

De loft wie sierd fannijs mei swide strielen.
Ik seach 't en sei: "Wa wit oft sok in kear
yn 't lot ek ienris komme sil?"

Alle nijsbrieven in oar Spaansk gedicht.

Dizze kear Stoarm en stilte, fan Juan de Arguijo (1565-1623), oerset en ynlêzen troch Klaas Bruinsma.

Op de dellaadside kinne jo it hearre.