Profitearje fan de Week van het Luisterboek, Jan en Marja Schotanus
nijsbrief
21 maaie 2014
Week van het Luisterboek - Wike fan it harkboek
Fan 19 oant 25 maaie organisearje de boekhannels, bibleteken en webwinkels yn gearwurking mei de CPNB De week van het Luisterboek. Der is folop foardiel te heljen en ek krije jo by oankeap foar minstens 9,95 it lústergeskink kado.
Aksjelústerboek
It spesjaal foar dizze wike skreaune harkboek Liever horen wij onszelf, fan Renate Dorrestein, krije jo fergees derby as jo foar minstens 9,95 oan harkboeken keapje. By Luisterrijk wurdt it automatysk tafoege oan jo bestelling. Ek by oankeap fan Fryske harkboeken jildt dizze oanbieding!
Yn Liever horen we onszelf fertelt Renate Dorrestein in leafdesferhaal fol ûnferwachte ûntwikkelings. In ferhaal oer dreamen en oer wat wy ús sels wiismeitsje - omdat wy somtiden net oars kinne. Sjoch hjir ek it ynterview mei de skriuwster.
Tin iis ek as mp3-cd beskikber
Dit harkboek, ynlêzen troch Geartsje de Vries is yn twa formaten beskikber yn de boekhannel en de webshop fan Audiofrysk.
8 audiocd's: isbn 978-94-6038-088-4, bestelnr AF-K10
2 mp3-cd's: isbn 978-94-6038-089-1, bestelnr AF-KC10
Dit nije harkboek is no ek te keap by Luisterrijk.nl.
Wrâldnijs dat oan Audiofrysk rekket:
It wrak fan de Santa Maria
De lokaasje fan it skip fan Kolumbus liket bekend te wêzen. Fan de trije skippen, dy't ûnder syn lieding útfearen om in koarter paad nei Ynje te finen, is ien net weromkommen. De Santa Maria fergie yn 1492, mar wêr't it dan op de seeboaiem lei, dat wie ieuwenlang in grut riedsel.
No wol it tafal dat krekt yn 2003, doe't ik mei De ûnmooglike reis fan de Santa Maria oan de gong wie, de earste spoaren boppe wetter kamen. Dat blykt achterôf echt sa te wêzen, mar doe woene argeologen it eins net leauwe.
Ferline wike kaam it berjocht fan de argeolooch Barry Clifford, dat it wrak yn de see by Haïti wol deeglik dat fan it memmeskip fan Kolumbus wie.
It harkboek fertelt it ferhaal fan de reis, sjoen troch de eagen fan de skipsjonge Beart mei syn tamme rôt.
Sjoch hjir it artikel út de Ljouwerter Krante fan 14 maaie 2014.
Op kommendewei
It harkboek fan it Sirkwysympoasium 2014, dat ûnder de namme Âlde meuk? oanpriizge waard. De titel fan it harkboek is wurden: Klassikers yn de (Fryske) literatuer.
It is it fjirde sympoasium yn de rige dy't yn 2010 opstarten is op inisjatyf fan Audiofrysk.
Cd 1 Friduwih Riemersma - Tiids tosk vs ikonoklasme
Oer de rol fan klassikers yn ús kulturele libben
Tryntsje van der Steege - Klassikers en de kanon
Oer it foarmjen fan in Fryske proazakanon nei 1945
Cd 2 Eric Hoekstra - Ranking the Classics
Fjouwer Fryske klassiken hifke
It wie in nijsgjirrich sympoasium yn in rige, dy't sa njonkelytsen in hiel eigen plak krigen hat yn it Fryske literêre jier.
It harkboek is omtrint klear, ynkoarten ek by Luisterrijk.
Sjoch ek it nijs fan Audiofrysk.
Downloads by Luisterrijk bliuwend yn priis ferlege.
Alle harkboeken binne poergeskikt foar iPod, tablet of smartphone. Keapje se fia de downloadshop, ideaal foar op de iPad of in oare tablet. Ek op Android te brûken!
Tel. 058 - 2501465
foar de nijsbrief