Nasjonale Foarlêsdagen - Nationale Voorleesdagen

nijsbrief

21 jannewaris 2015

Stjoer him ris troch nei in oar!

Audiofrysk-aksje by de
Nasjonale Foarlêsdagen

Yn de Nationale Voorleesdagen 2015 fan stelt Audiofrysk wer in kwartet berneboeken fergees beskikber as harkboek.
It giet yn 2015 om fjouwer al wat âldere boeken fan Jan Schotanus, dy't dizze wike fergees del te laden binne:

De kwestje fan Quad, in sciencefictionferhaal, dat sawol de skiednis as de takomst yn dûkt;

Nacht op it eilân, Paul en Eva belibje in spannende nacht op Skylge;

De swannen fan Hoxwier, in histoarysk ferhaal oer de state Hoxwier yn de Tachtichjierrige Oarloch en

De ûnmooglike reis fan de Santa Maria, wy reizgje mei Beart de skipsjonge mei op de reis fan Kolumbus om in nij paad te ûntdekken.

Kom no yn de kunde mei it fenomeen harkboek en lit jo (bern) foarlêze. De audioboeken binne prima ôf te harkjen op in iPad of oare tablet, op in mp3-spiler, iPod of mobile telefoan.

Gjin gedoch mei DRM, der sit in digitale hantekening yn om yllegale fersprieding tsjin te gean, mar it ôfspyljen sa maklik mooglik te meitsjen.

Dizze fjouwer wurken binne fergees del te laden by Luisterrijk. En dan sykje fia Talen > Fries.

De aksje rint fan 21 oant 31 jannewaris 2015.

In harkboek nei in oar ferstjoere?

Wolle jo ien ferrasse mei in audioboek? Bestel it by audiofrysk en wy ferstjoere it foar jo nei de ûntfanger.

Lêzing oer Trans Sibearyske Spoarline

Op snein 11 jannewaris ha ik foar de Kulturele Kommisje fan De Tysker yn Easterwierrum in lêzing fersoarge fan twa kear in oere ûnder de titel:

Moskou - Mongolië - Beijing

It wie in slagge middei mei 50 beteljende besikers. De opbringst, 175 euro, wie dit kear bestimd foar de Tibet Support Groep.

Wa't belangstelling foar sa'n lêzingjûn/-middei hat, kin kontakt mei my opnimme.

Studio Súdwest

Studio Súdwest stjoert op de sneinen fan dit fearnsjier moarns betiid de roman Feroaring fan Lucht fan Rink van der Velde út.

Dêrnjonken kinne jo ferhalen hearre út Fan Duveldrek nei Hoarnestreek.

Foar mear details sjoch Omroep Súdwest.

boek@audiofrysk.nl