Einum en Firalenpresintaasje

nijsbrief

15 juny 2016

Firalen diel 1 - CSG Liudger, Burgum

It skiekundelokaal as plak delikt

Op freed 3 juny wie der op CSG Liudger yn Burgum in spesjale Fryske les foar bern út de klassen 2 en 3. Fan tefoaren hiene se har al yn de matearje ferdjippe en no koe it earste eksimplaar fan it boek Firalen fan Kathy Reichs presintearre wurde.
De bern hiene in stikmannich prachtige posters ûntwurpen en dy fan Robert Wijminga wie as bêste útkeazen. Dy waard brûkt as basis foar de poster fan dit barren.

Yn in filmke fan in mislearre proef seagen wy hoe't de skiekundelearaar mysterieus ferdwûn, allinne de skuon stiene der noch.

Yn dizze setting krige skriuwster Anny de Jong it earste eksimplaar oanbean. Sy is ommers in foarrinner yn dit sjenre, tink mar oan de boeken Spikergek en Apesturt. Spikergek wie klassikaal lêzen en ek it harkboek dêrfan brûkten se op Liudger.

Frou De Jong reagearre ferrast, en letter krigen wy noch dizze mail:
Ha goeie,
Ik kin der noch net oer út. Samar it earste eksemplaar fan de Firalen. (...) Ik bin der hartstikke wiis mei. Hertlike groet, Anny

Oersetter Geart Tigchelaar makket op de fyts in reis om de wrâld yn trije jier, dat dy wie fia in filmke oanwêzich.

Firalen is it earste diel fan in rige boeken foar jonge minsken. Diel 2, dat yn it Ingelsk Seizure hyt, wurdt fertaald troch Ytsje Hoekstra. Sy is drok oan de gong en brukte de gelegenheid om de bern om help te freegjen.
Hjir in nustje suggestjes foar útroppen:
Bok op! / Skyt omheech! / Myn reet! / Hoppa! / Fergemy! / Oehgoie! / Harrekrammele / Harrejasses / Tyf op jong! / Jasseskrastes / Optere! / Fok! / Blikje / Blikje Piebe!

Ytsje: De fetdrukten wiene noch nij foar my, dat wol sizze, se wiene my noch net as brûkber te binnen sjitten. Bok op! fûn ik sels de moaiste oant no ta.

Einum - Froon Akker

De Gysbert-winner is no ek as harkboek te krijen.

Tryntsje Finnema, de frou fan de skriuwer, hat it boek ynlêzen, mei útsûndering fan de fragminten oer it fûgeltsje, Seiuris Noveboracensis. Dy stikjes hat Tiemersma sels foar syn rekken nommen.
Nijsgjirrich is, dat ek it lûd fan it lytse wrâldreizgerke út en troch te hearren is. Sa is Einum ús earste harkboek mei bistelûden.

It binne 8 cd's wurden, of ien mp3-cd, mar it is fansels ek as download te keap by Luisterrijk en yn de app fan Luisterrijk te beharkjen.

Audiofrysk belutsen by de Slachtemaraton 2016

By de Slachte lâns binne op seis plakken #stekjes pleatst, dêr't ferhalen, byldzjende keunst en lânskip byinoar komme.
Hjir sjogge jo it stekje fan Easterwierrum, dêr't je noflik sitte kinne ûnder it weitsjend each fan it ikoanyske hynstetyskershynder.

Jan Altenburg en Jan Schotanus

De ferhalen binne te beharkjen op www.slachtemarathon.frl/stekjes.

boek@audiofrysk.nl