Gratis harkboeken- Poëzie week - Sweltsjes - Podcast Joyce
nijsbrief
28 jan 2017
By Audiofrysk 4 berneboeken fergees
Foarlêze kin it moaiste live, dat wit in bern.
Mar net altyd kin dat en dan is it foarlêzen troch in skriuwer dy’t fia de lûdsprekker ta je komt in hiele goede twadde. Dêrom jout Audiofrysk yn de Nationale Voorleesdagen/ Nasjonale Foarlêsdagen fjouwer berneboeken kado. Helje se del by Luisterrijk en jo betelje oant 5 febrewaris 0 euro. It giet om de folgjende titels:
Anny de Jong - It is foar de hearen
Ep van Hijum - Muoike Klaptút en oare koarte ferhalen
Jelle Bangma - Keatse foar de krânse
Lida Dykstra - De skat fan jonker Jan
Njonken dizze titels hawwe wy noch in hiele rist oare titels foar bern beskikber.Wat te tinken fan Kathy Reichs, Firalen bygelyks. Dat boek foar wat âldere bern (13+) wurdt prachtich foarlêzen troch Geartsje de Vries.
As dellaad kostet it mar € 10,-; wolle jo it op mp3-cd hawwe, dan betelje jo € 12,-.
Re Joyce
In konkurrint fan Audiofrysk? Wit net, mar ik wol graach reklame meitsje foar in aldernijsgjirrichst literêr projekt fan Frank Delaney. Dizze publisist en skriuwer, in Ier dy’t al jierren yn de Feriene Steaten wennet, leit út wat der allegearre yn Ulyssus stiet, en benammen bedoeld wurdt. Alle wiken jout er in podcast út ûnder de namme Re Joyce. Op dit stuit is er ta oan nr 365. 
Dat betsjut dat er al 365 wiken mei de roman yn de skrep is. As it sa trochgiet, hopet er oer tsien jier oan de lêste sucht fan Molly Bloom ta te wêzen.
It is fassinearjende matearje om alle winkels en café’s fan Dublin út 1904 beskreaun te krijen, oft se der noch altyd binne, wat syn mem oer harren sei, en wat oare gelearden allegearre oer Joyce en syn masterwurk skreaun hawwe.
De eardere podcasts binne stik foar stik of yn ien grutte haal del te laden en te hearren. Fergees, al freget er wol oan syn trouwe harkers om ris wat te donearen. Hy hat al mear as 2 miljoen downloads helle. Benijd? www.frankdelaney.com
Sweltsjes
Fan it maitiid komme se. De nije rige Fryske lêsboeken foar begjinnende lêzers. Trije boeken binne fierhinne opmakke, de yllustratoaren lizze no de lêste hân oan de oare trije. Dochs kin ik al fan alle seis boeken in plaatsje sjen litte. Prachtich sa’n ferskaat!
 |
yll. Maaike van den Akker Lida Dykstra: Ridder Jet, |
yll. Yke Reeder Anny de Jong: Boem is ho! |
 |
 |
yll. Babs Wynstra Mindert Wijnstra: Beppe hat in aaipet,
|
yll. Linda de Haan Hanneke de Jong: Gers op it dak, |
 |
 |
yll. Maaike van den Akker Jurjen van der Meer: De toverangel fan Ate, |
yll. Linda de Haan Jan Schotanus: Wat in ein! |
 |
Merk foar harkboeken groeit foar it tredde jier op rige
Even in Ingelsk artikeltsje fan Huub van de Pol, ús kontaktpersoan fan Luisterrijk.
Dutch audiobook market is steadily growing
For the third consecutive year, the Dutch digital audiobook distributor Luisterhuis notices a significant growth in digital audiobook sales. In the 4th quarter of 2016 audiobook sales were 40% larger compared to the same period in 2015.
Luisterhuis is the largest distributor for Dutch language digital audiobooks. It offers titles from more than 200 Dutch and Flemish publishers to retailers, web shops, app platforms and other ecosystems. #audiobooks
Lûkt de Fryske harkboekmerk ek oan? Jannewaris wie foar Audiofrysk net ferkeard, mar it kin fansels altyd better! Jou ris in harkboek kado.
Poezijwike
Nei de lanlike gedichtedei tongersdei is der noch de hiele wike oandacht foar poëzij.
Audiofrysk hat in prachtige samling gedichten fan de Gysbert Japicx priiswinner Abe de Vries yn syn fûns: Dy't in hûs fynt op 'e wyn, mei de earste fiif bondels.
De gedichten wurde foardroegen troch de dichter sels.
Stjoer him dan in kear troch nei kunde, famylje en freonen. Wa wit ha dy ek belangstelling. Jo kinne ek allinne dizze link: http://www.audiofrysk.nl/Nijsbrieven.php maile.
Tige tank!
Tel. 058 - 2501465
foar de nijsbrief